جريمة قتل مع سبق الاصرار والترصد

هيك النكد ولا لأ





هو :
بدي اطلب بيتزا .. بدك شي؟'

هي:
'لا.'

هو :
'اوكي.'

هي :
'و لا اقولك ..؟'

هو:
'ها .. بدك اطلب لك كمان؟'

هي :
'ما بعرف.'

هو :
'مالك عرفانة اذا بدك شي؟'

هي :
'لا.'

هو :
'انتي جوعانة؟'

هي:
'يعني ..'

هو :
'شو يعني يعني...؟'

هي:
'يعني معناها مالي متأكدة اذا كنت جوعانة او لا.'

هو:
'الواحد لما يكون جوعان بيعرف'

هي :
'هو يمكن جوع بعدين'

هو:
'معناها اطلب لك بيتزا.'

هي :
'طيب و اذا ما كنت جوعانه وقتها..؟'

هو :
'لا تاكلي.'

هي :
'بس هيك بيكون تبذير'

هو:
'طيب .. بتاكليها بكرى.'

هي:
'و اذا ما كان الي نفس آكل بيتزا بكرا؟'

هو :
'هي ما بدها نفس .. الواحد بيقدر ياكل البيتزا كل يوم '

هي:
'انا لأ .. ما باكل بيتزا الا لما يكون عندي نفس للبيتزا.'

هو:
'معناها لح اطلب لك شي تاني'

هي:
'بس انا ما بدي شي تاني'

هو:
'يعني بدك بيتزا؟.'

هي:
'لا.'

هو :
'يعني ما بدك شي؟.'

هي:
'امبلى.'

هو :
'جننتيني شو بدك؟'

هي :
'طلوب انت لحالك..'

هو:
'اخيراً .. ماشي..'

هي:
'بس اطلب بيتزا بالتونا'

هو:
'بس انا ما بحب التونا.'

هي :
'بس انا بحبها.'

هو :
'هلأ انا بدي اطلب الي و لا الك...؟!'

هي:
'الك طبعا.'

هو :
'طيب و ليش بالتونا. ..؟'

هي:
'يمكن جوع لما يوصل الاكل'

هو:
'اي و شو يعني؟'

هي :
'بالله؟ شو يعني فكرك آكل شي ما بيعجبني؟'

هو:
'ليش هو انتي بدك تاكلي؟'

هي :
'ليش لا ؟'

هو :
' يا مثبت العقل و الدين .. هلأ انا بدي اطلب بيتزا الي , مشان انتي تاكليها اذا كنتي جوعانه؟؟'

هي:
'بالضبط.'

هو :
'و انا شو بدي آكل؟'

هي :
'هو يمكن ما كون جوعانة...'









ملاحظة: محكمة الجنايات قررت الافراج عن الزوج المتهم بتهمة 'قتل الزوجة مع سبق الاصرار و الترصد' و تحويل القضية الى 'قتل الزوجة دفاعا عن النفس