اصابع زينب

_المقادير
3كاسات سميد ناعم

_ملعةة خميره مش مذوبه بتنحط كما هي حبوب

_نص كاسة زيت ذره

_ثلاث ارباع كاسة ماء وممكن تحتاجي اكتر او اقل حسب العجينه

_نص كوب يانسون

_مستكه اربع حبات

_محلب خمس حبات

_ازا عندك شومر بهار الكعك حطي ملعقتين كبار وازا ما في ما في مشكله

_قطر بارد

*طريقة العمل *

اول شيء اطحني المستكه والمحلب سوا..


وبعدين اطحني اليانسون واخلطيهم سوا وصار عندك بهار الوصفه جاهز وهو سر الطعم الزاكي..

ضيفي الزيت والبهار اللي طحناهم والخميره واعجنيهم وضيفي المي على مهل لحتى تتشكل عندك عجينتك


بتحتاجي لهاي الوصفه لشبك بلاستك اي شبك ممكن يكون للخضار استعمليه ولو عندك الدائري اريح بلف بسهوله:

غطي العجين بكيس نايلون وخليها عشر دقائق وبعدين طولي من العجين قطع صغيره حطيها على الشبك اضغطي وبنفس الوقت لفيها

كملي باقي العجين ومجرد ما خلصتي تحضيرهم سخني الزيت وبلشي اقليهم حتى يحمروا وثم على القطر مباشره ..
و صحتين وعافية

سوسنة الجبل شكرا لكي .

وسلمت الايادي.

العم احسان شكرا على مرورك
الاخ خلدون شكرا على مرورك بصراحة ما بعرف بس عنا بالاردن المعكرون يمكن الو طريقة تاني ما بعرف في اشي زيادي بينحط داخل العجينة ..