للصبايا المقبلات على الزواج

للصبايا المقبلات على الزواج

هاي صبايا .. احب ان الفت نظركن في هذا الموضوع

الذي تفكر فيك كل بنت مقبلة على الزواج . وهذا

لصالحها .. وعسى ان تصغين عزيزتي الفتاة

1_ اذا تقدم لك عريس دكتور لا تقبلي به لانه كل ساعات عمله يقضيها

في المستشفيات وكم من النساء الجميلات تمــّر عليه للعلاج

طاوعيني وارفضيه .

2_ اذا تقدم لك محامي كل نهاروا مقضيهـّا بالمحاكم رايح جاي

ما بتستمتعي بالاكل معه قضية وراقضية وهذا بيتعبك

جدا وبتحاولي تبحثي عن محامي شاطر ليفكك منه !!

3_ اذا تقدم لك تاجر يمضي طول النهار والليل يحكي

عن البضاعة وكم ربح اليوم وما في وقت عنده للذهاب

خارج البيت للتنزه معه طاوعيني كمان وارفضيه !

4_ اذا تقدم لك عسكري كمان كل وقته في الصحراء

وبتلاقيه دايما حبه ناشف وما بيعرف يتعامل مع الجنس اللطيف

ولا يحسن التعامل الا مع السلاح !! كمان سيبك من العسكري

5_ واذا تقدم لك مهندس كل الاوراق والاضابير بيفتحها على الطاولة

ويقعد يرسم مخططات وبيقلك بدي راحة وهدوء

كمــّل هالمخططات همه مخططاته مش مراتو

انت لست بحاجة له كمان طاوعيني وارفضيه!!!

6_ واذا تقدم لك ايتها الصبية المدللة عند اهلها عامل

سوف تتعبين معه كثيرا لان معظم وقته يبحث عن العمل

وسعادتك لن تحلمي بها معه ابدا

منشان هيك حبيت اساعد كل المقبلات على الزواج ان ترفض

هذه العروض وما راح تندمي وانا اخوكي .. وراح تدعولي

مو تدعو عليّ

( حملة العزوف عن الزواج ) بقلم/ نجم السما

هههههههههههههههههه
عمي نجم عم استنا الوظيفة المناسبة
ما طلع شي معك
ههههههههههههههههه
اذا ع هالحال ما منتجوز عمي هههههههه
والله هيك احسن شي
بلا جازة بلا هم

:affraid: الاخ نجم حيياك الله :affraid:

كل هذول مرفوضين هيك بدك تخلي البنات في

البيت في خلقة اهلهم وكل يوم طوشه بين البنت وامها

وافزع اصلح بيتاتهم اما انا شخصيا عندي احسن

عريس اللي بدها تتزوج تاخذ راعي كل اليوم بشبب على

الشبيبه وبصيح بيوت عتابا وميجلنا ولا هم ولا غم

بعدين بحب اللي بتاحذه موت لانه ما بشوف غيرها .

كل وقته بالوعر والمغرب بالبيت يا نيالها اللي بتاخذه

هذه دعاي الى الاخوه الرعيان ..كويس ورخيص وابن ناس

جربوه !!!1....

الاخ نجم شرفني مروري عندك سلامات .

نجم السما يا كبير......

عندي الك كم سؤال و يا ريت تجاوبنا بصراحة....

1- فينا نعرف حضرتك شوبتشتغل ؟؟؟؟؟؟

2- اذا كنت ما بتشتغل مثل ما انت كاتب.. فينا نعرف على شو ماخذتك المدام..( جبرانية خاطر مثلاً) ؟؟؟؟؟؟؟

3- اذا كان الواحد بيشتغل مثلي...( اخصائي تجميل) و كل نهارو بين النسوان ... شو بتنصح مرتو ؟؟؟؟؟

و أخيراً يا صديقي.... الله يعطيك الف عافية على روحك المرحة
و نشالله بتضل بصحة وعافية....

كل الاحترام و التقدير

الاخ ابو اياد الحبيب

الله يعطيك العافية على الرد

والراعي كمان ما بنصح تتزوجه البنت

كل نهاروا مع الغنم

الاخ الغالي راهب ابو حمرة

بجاوبك خيي

1_ انا خطاط لا تقلي لا تتزوج المراة خطاط

كل نهارو بين اللوحات والارمات والالوان

مرتي غير هي احبت المهنة وهي شجعتني

يعني في تناغم

اخذتني المدام على انني صديق وعشيق وحبيب وزوج

اذا الواحد مثلك لو خطر على بالي مهنة

الكوافير

كنت قلت يا اختي ام هاجر لماذا تزوجتي راح

ابو هاجر مع النسوان اجا ابو هاجر يصفف شعر فلانة بنت فلان

كل نهاروا يصفف شعر السيدات الحلوات وايديه ما بتعرف

غير العزف على السشوار

مشكورين الجميع على ردودكم الساحرة

خيي نجم والله بورت البنات
مين بدون ياخذو
كل واحد الو علة
بس اني اخترت واحد بيشتغل بين الشجر لهيك مالك حجة تقنعني واذا عندك هات لشوف
بس متل العادي متالق

نادين

لم انسى صاحب مهنة الجنايني

او مزارع او حارس حديقة

نفس المهنة كلهم

وراح يقلك الشجرة هذيك عطشانة بدي اسقيها قبل مايسقيكي

والوردة هاي بدي قلمها منشان تكبر وكل حياتو

اخونا هيك البربيش بايد ومقص الشجر بايد

الاخ نجم السما حيياك الله :hdhk:

اخي خلي خط رجعه لهالصبايا شو هذا بيهتم في

كذا وهذا في ذاك شو يعني بدك اياهن يعنسوا ..وما يتزوجوا

هذا اللي بيبسطك انه يظلوا في خلق اهلهم وما يفتحوا بيوت ..

خففها شوي وقلهن مين ياخذوا ما بصير كل المتقدمين للزواج

فيهم حوفه وما بينفعوا .ولك تسلملنا واللي برد عليك بكون

مش نافع ولا بينفع باي باي يا نجم نحنا تزوجنا ونفدنا هههههههههههههههههه

واللي سبق شم الحبق ههههههههههههه:erer: :JKKK:

اه وآخ يا ابو اياد

لو قبل ما تتزوج اختنا ام اياد

لقلت لها

اياكي تأخذي المصور ما بيطلع غير بعين واحدة لما يجي يصور

وما بشوف مراتو منيح بعين واحدة

وبعين واحدة الله يكفينا شــّره

آخر الوقت بيظهر

سلامي ابو اياد الفنان

» الزواج .
» قبل ....وبعد الزواج
» اضحك على الزواج
» مراسم الزواج اليهودي
» بعد ثماني عشرةَ سنةًً من الزواج