يا خيي النار عم تاكل وطنا ---وضمير الاطفائيه بعيد عنا
تعا نحكي بضميرك وبضميري --- لشو هالقد عم بصير عنا
لا بترولنا بصحرا كبيري ---ولا جواهر مناجمنا خزنا
ولا عنا مصانع للذخيري ---ولا عالغير موقعنا تجنا
بلادي حجمها قد الفطيري ---اذا قصة مساحتها علنّا
عليها نزلو مشاكل عسيري ---وما خلو شي بيطعن تا طعنّا
ورغم ما غيرنا حدودو كبيري --- ورغم لغيرنا محبين كنا
علينا استكثرو الرقعه الصغيري ---العليها بلتقو احمد وحنا
تعا نربط مصيرك مع مصيري ---بارض العاكرامتها ائتمنا
تعا حتى نحافظ عالخميري --- اللي انت وانا منها انعجنا
يا خيي شرور هالدنيا الكتيري ---ما خلو مصلح ولا ايد بنّا
تا من تحتنا يشيلو الحصيري --- وانا وياك شو بدنا نصفي
وقت ما ارضنا بتروح منّا
ارجو ان تنال اعجابكم وان نعتبر منها
حنا ربع سلطان وعيال معروف ........................ السباع هلي يرعبنك زئيره
نهجم على العدوان ما نعرف الخوف .......... نضرب خيول الحرب ساعة نغيره
ونقطع بحد السيف ما بين الكتوف ................... يوم المعامع أضرمتله سعيره
نهجم ع ساحات المنايا كما الطوف ............. نمخر عباب الموت ما نهاب ديره
وأفعالنا بالكون نافت على النوف ...................... أطغت فعايلنا على كل ديره
نحمي دخيل البيت بشفار السيوف ................ لمن لمعها دروب الظلم تستنيره
من ساس أهلنا بالحمى نغيث ملهوف .................. كارٍ لنا داخل حمانا نجيره
وعراسنا يومن نهلل بالضيوف ....................... ومناسف تملا من الله خيره
ودلال قهوة هيلها يطوف ويطوف ............... دار الكرم ما ظن تشوف نظيره
