مواويل في كلمات. وديع الصافي

1

سوى هالقلب يا حلوة ما عنّا
حرام يضل عفراقك معنّى
قلب حيران يتنهّد معنّى
يشكي وحدتو طول الغياب

2

شو صار مدري بحالها شو صار
لا علم من صوبها و لا أخبار
بكتبلها بيعود مكتوبي
مرتجع ما في حدا بالدار


وبيعملو جلسات أهل الحي
قال لازم شد حالي شوي
قلتلهن اللي بإيدو مي
مش مثل يلّي بإيدو نار


يا ريت قلبي بيحملوه بشي يوم
كانوا عليّي ما بيحطّوا اللوم
بضل اتخانق أنا و النّوم
وحياتها ما بنام ليل نهار


يا غايبة و بالفكر موجودة
عودي كفانا حرقصة عودي
بيكرجوا الدمعات عخدودي
كل ما اسمك عبالي دار



3

أهلا و سهلا بالغزال الطلّ
و يا صباح الورد قبل الفلّ
النا يا سلوى ناطرين كثير
تنشوف نورك عالجناين هلّ


معنا بعدك و بتضلي معنا
ما دام للحب بين الناس معنى
و مهما قلبت الأيام معنا
لغيرك ما عم نفتح هالبواب
يا حبيبي
يا حبيبي
يا حبيبي



4



قلتلّك يا ليلى العمر ماضي
و على عنقي جفاكي سيف ماضي
قلتلك يا ليلى العمر ماضي
و على عنقي جفاكي سيف ماضي


الليلة عالوفى و الحب ماضي
و لبكرة ما عدت احسب حساب



5



يا جارح القلب يا جارح القلب
مالك عالجفا ناوي
حملتني هموم عنها
ما روى الراوي


يلّي بنارك فؤادي والحشا كاوي
في كل كتب السما رب السما وصاك
اجرح و داوي
يا ظالم اجرح و داوي





6



من جبينك الوضّاح محسود القمر
مخجول مالو عين فيك يطل
قالو صباح الفل بهجة للنظر
أحلى صباحك من صباح الفل


قالوا البنفسج ريحتو حلوة كثير
من البنفسج ريحتك أحلا
وين عندو مثل ما عندك عبير
غيرك عبير الحب ما استحلا


قالو النغم بالناي بيبكّي الحجر
من الناي مرة ما بكي قلبي
نغمات صوتك ما حلم فيها وتر
كلها حنين و شوق و محبة


قالو غني البيكون عندو قصور
لا يا حلوة المال مش ثروة
انتي الغنية بالمحبة و بالشعور
بالحنين و بروحك الحلوة



7
بدنية وردكن زارع يميني
و عدرب دراج ضيعتو يميني
بدنية وردكن زارع يميني
و عدرب دراج ضيعتو يميني
عليكن بالهوى لاحلف يميني
ما احكي غيركن بعد الغياب



8
يوم الثلاثا شيّلو من الدار
و د شّروا بالقلب شعلة نار
ريت الثلاثا ينمحي اسما
لو نقص من كل جمعة نهار



9


بتحبني و شهقت بالبكي
و راسا على صدري تكي
قالت إذا بتحبني لا تروح
و لا تغيب عني يا حبيب الروح
قالت إذا بتحبني لا تروح
و لا تغيب عني يا حبيب الروح


لا تترك بلادك أرض أجدادك
قلتلها زهقان لبنان مش لبنان
نسمات عم تلوح بالوديان
و جبال شعلانة و تلال بتشتكي
بتحبني و شهقت البكي


سألت الضياع شو صار بزهوري
سالت المدن شو صار بقصوري
سألت الضياع شو صار بزهوري
سألت المدن شو صار بقصوري


ردت زهوري صارت بواريد
و عالقصور تحطم القرميد
ردت زهوري صارت بواريد
و عالقصور تكسر القرميد


ناح أرز الرب عالعاطفة و الحب
قالت حبيبي لا تكون ياسان
يا بلاد حلوة سيجي قصورك
بتحبني و شهقت بالبكي


يا رب لا تهجر سما لبنان
و تتركو للبوم و الغربان
مهما الليالي عجبل مفجور
بيضل شعلة نار و نور


مهما يتدمّر بيرجع يتعمّر
منعمروا بمرجان منعمروا بصور
منرجعوا انسان منرجعوا لبنان
منعمروا بالحب و الايمان
لبنان بيضلو حلو لبنان





10



طيري يا حمامة بهالأعالي

و خذيلي على جناحك هالرسالة
طيري يا حمامة بهالأعالي
و خذيلي عجناحك هالرسالة
قوليلا عغيابها ذاب قلبي
و ياما صرت سهران الليالي




11



نحنا عالدنيي جينا
نحيي الحب و يحيينا
شو بدو العالم فينا
نحنا بالهوا أحرار




12



بعدني بهوا عيونك بعدني
مهما الدهر عن حبك بعدني
بعدني بهوا عيونك بعدني
مهما الدهر عن حبك بعدني
اذا كنلك في غرامي بعدني
يالله نفرّح بالمحبة قلوبنا


معنا بعدك و بتضل معنا
مادام بين الناس للحب معنى
و مهما قلبت الايام معنا
لغيرك ما منفتح هالبواب


حبيبي أد ما تقسى حبيبي
و ليالي حبنا ليالي حبيبي
و غيرك ما بقى بدي حبيبة
لحلف بعد منك عالاحباب




13



عيونك يؤمروا عليي و ينهون
و ي بليالي و ينهون
عيونك يا منى روحي وينهن
و الجفا و العداوة بلا سبب




14



حبابي وين ما راحوا بيحلوا
و قلبي و عقدة همومي يحلوا
كاس المر بالمبسم يحلّوا
و يصبح كاس طيب للشراب



15



جاروا الحبايب علينا و عالهوا جاروا
بالحب كانوا لنا و لغيرنا صاروا
عصافير ربيت جوانحهن عايدينا
عنهن سألنا الوفا قال الوفا طاروا


لبنان تركنا عهاك الدرب عينينا
و بالبال بعدو حنين الطير لصغارو
الكنوا حناين علينا تكبروا علينا
نسيوا المحبة و ما عادوا عالهوا يغاروا


يا حب نحنا عرفنا مين حبينا
وورد الحبايب لنا عم تضحك زرارو
يا شوق خذنا لهن يا ردهم لينا
ببيت المحبة سوا تنكمل عمارو






16




جايين جايين بدنا نسكن بلبنان
و نعيش تحت جوانحو اخوان
لبنان لبنان أول بيت للانسان
غاب السباع و جنة الحلوين
جايين جايين يا أرز الجبل جايين
جايين بدنا نسكن بلبنان
و نعيش تحت جوانحو اخوان
لبنان اول بيت للانسان
غاب السباع و جنة الحلوين



17




يا حب من عمري قطفت سنين
و حملت منك عالاسى و اللين
من حب قلبي زرعت للحلوين
عكل مفرق درب غنية


شو عاد بدي من الهوى كلّو
حلّو عذابي ينتهي حلّو
شو عاد بدي من الهوى كّلو
حلّو عذابي ينتهي حلّو
عفنا الهوا و الحب ليضلوا
مرتي و أطفالي حواليي



18



خطوطنا قلعات للمردان
مردان شاف الموت غارتها
و ما كسر ميدانها ميدان
و لا حاربت قوة تكسرتها
تغنى الزمان بنمرها الحردان
و بغصنها الاخضر و زهرتها
البحر لو من شمسها بردان
دافي جناحو من حرارتها
درعو التلال و بيرق الوديان
و الموج يتكسر عصخرتها



19




عالبال عالبال عالبال
عالبال يا عصفورة النهرين
يا ملونة يا مكحلي العينين
عالبال


عالبال يا عصفورة النهرين
يا ملونة يا مكحلي العينين
صرلي عهالمفرق ثلاث ايام
ما كنت استهدي عبيتك وين
يا عصفورة النهرين



صرلي ثلاث تيام و ما كنت اعرف نام
حفرة خيال الشمس عالمفرق
و رف الحساسين الاجا تفرّق
و ما كنت استهدي عبيتك وين
يا عصفورة النهرين


لا بحارة الفوقا
و لا بحارة التحتا
ولا عالعين
تخمين بيتك صار ريف العين
يا عصفورة النهرين



20



قلبي بالجفا و الهجر علّيت
و من عيني دموع الحب علّيت
على سابع سما لو رحت عليت
رح بتعود عديار الحباب




21




لا تشمتي بهالقلب و تقولي نكوى
و لا تطربي بنغمة نواحي و النّوا
لا تشمتي بهالقلب و تقولي نكوى
و لا تطربي بنغمة نواحي و النّوا
يا ريت قلبي بدل قلبك حاملي
لتعرفي يا مدللة ظلم الهوى
يا ريت قلبي بدل قلبك حاملة
تتعرفي يا مدللة ظلم الهوى




22



بقلبي كل ما لحظك كواني
كل ما زاد بحبك ايماني
يا نفحة عطر بعيون الحبايب
ضحكلي عند ما شفتك زماني




23



يا عيد الهنا يا عيد ما نسيت ماضيك
و يا كتاب الهوا بالدمع ماضيك
يا عيد الهنا ما نسيت ماضيك
و يا كتاب الهوا بالدمع ماضيك


و يا لحظ العين فيي زرعت ماضيك
و حرقت العمر عدروب الحباب
يا لحظ العين فيي زرعت ماضيك
و حرقت العمر عدروب الحباب




24



درب الهوا غير شكل عن كل الدروب
ياما على جنباتها مشلقح قلوب
درب الهوا غير شكل عن كل الدروب
ياما على جنباتها مشلقح قلوب
نكنك ما تبت عن كار الهوا
خذها نصيحة يا حبيبي
و روح توب
خذها نصيحة يا حبيبي
و لا تذوب




25



يا زهرتي نقيتك و راضي
كوني وحيدة مزينة حواضي
لا تحاسبي الشاعر على الماضي
الشاعر اذا بيحب ما بينلام


لا تحاسبي الشاعر على الماضي
يا زهرتي نقيتك و راضي
كوني وحيدة مزينة حواضي
لا تحاسبي الشاعر على الماضي
الشاعر اذا بيحب ما بينلام





26




بعدن ببالي أهل هاك الدار
متعوب قلبي و الفكر محتار
بعدن ببالي اهل هاك الدار
متعوب قلبي و الفكر محتار


صارت عيوني مشردة اللفتات
مشتاق روح بصوبهن مشوار
هب الهوا و تجرح الموال
و لا علم من صوبن و لا مرسال
ذابت عيوني عالسهر وحدي
و هموم قلبي جبال فوق جبال





27



حبيب القلب نادانا فرحنا
نزرع ورد و نحضّر فرحنا


حبيب القلب نادانا فرحنا
نزرع ورد و نحضّر فرحنا


إذا بيتم بالملقى فرحنا
لرش الورد عدروب الحباب





28



جبلنا بدمنا ترابو جبلنا
مهما الدهر غضباتو جبلنا
جبلنا بدمنا ترابو جبلنا
مهما الدهر غضباتو جبلنا
منبقى هون ما منترك جبلنا
تراب الأرز أغلى من الذهب


يا قلبي يا قلبي كل ما جفني بكمشي
و روح سألي حبايب لا بكم شي
عساك عساك تعود و تتوفّق بكمشة
من تراب المشو عليها الحباب





29



لما يا حلوة لعندها رسولي ورد
و عن ساعة الملقى أخذ معها و رد
حلم الهوى فتّح ببستانه ورد
و بعد الضّنا صارت ليالينا هنا


نشف نبع الهوا و ما رويت غلّي
و جفّت أرضنا و ما جمعت غلّي
و بريش الجانح الدفيان غلّي
حتى سمعك دق القصب


يا ريشة اللي لعبتي حني و غطّي
بدمي كتبي و على قيس غطّي
و يا عين اللي سهرتي الليل غطّي
دقيقة نوم عفراق الحباب







30



ما بتذكري عالنهر كنتي توقفي
و زهر الندي من ورد قلبي تقطفي
ما بتذكري عالنهر كنتي توقفي
و زهر الندي من ورد قلبي تقطفي
و كيف كانت ترقص خيالاتنا
و تلعب بموجات المي و تختفي

و صفصافة الفوق النهر توميلنا
و عن سر بعدو بقلبها تحكيلنا
و يرجف ورقها و يستحي مقابيلنا
بس يمرق تحت منها العاصفي

ما بتذكري مشوارنا بين الكروم
و الليل واقف بينا و بين النجوم
ما بتذكري مشوارنا بين الكروم
و الليل واقف بينا و بين النجوم
و القمر واقف نايم على فرشة غيوم
نايم على وجهو قميص منتفي

نسيتي نسيتي و ما بقا عندك حديث
ما عاد يشرب من ضلوعي الياسيمن
عمر الهوا رح ينطفي عليك حزين
و كل شمعة حب حدو بتنطفي


31


حبيبي بعد هالفرقة ولو عود
بعتلي ذكر من كرمك ولو عود
لا تنسى بلادنا الحلوة ولو عود
وفا قلب الحباب عالحباب

معاد الكاس ينفعني و لو راق
و جفاهم يبس غصوني و الوراق
القلم ذايب ألم عني و الوراق
حرقها الشوق على الحباب

جبل لبنان لو فيه وليفي
و ما بزعل اد ما يعتب وليفي
العتب للقلب صابونة و ليفي
غسلو ثوب التجافي بالعتاب


32


يا ربي يا ربي ترجع الغايب عبيتو
زرعت الهم في صدري و عبيتو
يا ربي يا ربي ترجع الغايب عبيتو
زرعت الهم في صدري و عبيتو
شاعر داير يفتش عبيتو
حبيبو قبل آخر سطر غاب


33


لا تغضبو يا اهل المحبة كيفو
و كيف ما ردتوهواكم كيفو
و ضلو الحبايب لاحقوهن كيفو
نحنا وعدنا وما خلفنا بوعدنا

رحموني عام صدو عام لينو
مرمى سهام قلبي عم لينو
بقلبي بحور شوقي عام لينو
يا شط البحر شو مفرق حباب
حباب القلب في قلبي محلّن
ما حلّن يعتبو عليي ما حلّن
حباب القلب في قلبي محلّن
ما حلّن يعتبو عليي ماحلّن
دمع العين من خدي محا اللون
محا اللون المودة
وقبل ترموا الليل شايب






34



كرمال قلبي يا عيوني تصبرو
عليي و عسكب الدمع لا تتكبرو
و قدام يلي بحبها رشو الطريق
و لا تخلو ثيابها يتغبرو

بعطيه بروحي شعر و بعيني بكي
الما بشتكي من حبها و لا بتشتكي
قلبي فهم من جفنها لمن حكي
و يخبّر العزّال شو ما خبرو

لا تخلو ثيابها يتغبرو

هالحلوة اللي الزهر مثلا ما خلق
و الصبح يللي بصدرها نورو دلق
لمن وصل مكتوبها قلبي اجتلق
من عطر عينيها الحروف تحبّروا

لا تخلو ثيابها يتغبرو

بحبها و ما بحب غيرا بالوجود
و العمر سكرة عاطفة و غمرة زنود
و اللي تعوّد يسكرو ورد الخدود
و ما عاد شم الورد الله يصبرو

ولا تخلو ثيابها يتغبرو


كرمال قلبي يا عيوني تصبرو
عليي و عسكب الدمع لا تتكبرو
و قدام يلي بحبها رشو الطريق
و لا تخلو ثيابها يتغبرو


35


يا قلبي يا قلبي كثير وصيتك و ناهيك
الغرام الغرام مكسر غصونك و ناهيك
انت ذايب على الفرقة و انا هيك
نضنى جسمي و عنار الشوق ذاب


36


القلب حالف عغيرك يمينو
ما عاد يعرف شمالو من يمينو
يا مين المنا نفّرك يا مينو
لندعي عليه ما يشوف الحباب


37


رجعت حليمة تغار يا أهل الهوا
شو هالمصيبة الما كنت شفلا دوا
رجعت حليمة تغار يا أهل الهوا
شو هالمصيبة الما كنت شفلا دوا
نضلت على هالحال رح نتعب كثير
و مش رح نقضي هالعمر كلو سوا
نضلت على هالحال رح نتعب كثير
و مش رح نقضي هالعمر كلو سوا


38


يا غايب و بعدك معي
عبعدك فقدت الوعي
يا غايب و بعدك معي
عبعدك فقدت الوعي

و يا بسمتي الحلوة رجعي
و يا هم عن دربي نحني


39


سقالله يوم بتصيرو لنا قراب
و نملي من منابعكم لنا قراب
و ما تقولو لنا أهل و لنا قراب
و بعدن طيبين و بالحياة




40





يا ابني بلادك قلبك عطيها
و غير فكرك ما بيغنيها
نما حميتها يا ابني من الويلات
ما في حدا غيرك بيحميها

بيّك موصّيلك قبل ما مات
بلادك صلا للحب صلّيها
لو عليها ثقلت الحملات
و شي عين غدر اطلّعت فيها
مثل الأسد خليك في الحزات
صرخة بطل عالكون وديها

يا ابني بلادك يوم طلّ النور
ضوّت نجومو عا رواضيها
و المركب الأول القص بحور
فيلك شراعو من شواطيها

أرزاتنا مرقت عليها دهور
و بعدنا منكبر بماضيها
وصبرا عكتف جبالنا ناطور
جنون العواصف ما بيلويها

يا ابني بلادك جنّة الانسان
بصوتك يا بلبل ضل غنيها
تنقل ما بين الورد و الريحان
و حكايتك للساقية حكيها

خليك يا ابني عالوطن سهران
و عين اللي بيجيها النوم وعيها
و كلّ شبر بنذر من لبنان
أرضك لابنك بس خلّيها

يا ابني السما تضحكلك و تحميك
و تضل درب العز تمشيها
و تلّة الأرزة بنسرها نسميك
و جوانحك عالريح عليها
و الغار كل مواسمو يهديك
و افكارك قناديل ضوّيها
و عالشمس خلّي حلمك يودّيك
و دراج فوق دراج تبنيها
يوم الرجوع بلادك تلاقيك
و عنّك صغار المجد ترويها

الله على وديع وما اطربنا به

اعجبني

بتحبني و شهقت بالبكي
و راسا على صدري تكي
قالت إذا بتحبني لا تروح
و لا تغيب عني يا حبيب الروح
قالت إذا بتحبني لا تروح
و لا تغيب عني يا حبيب الروح







عالبال عالبال عالبال
عالبال يا عصفورة النهرين
يا ملونة يا مكحلي العينين
عالبال


عالبال يا عصفورة النهرين
يا ملونة يا مكحلي العينين
صرلي عهالمفرق ثلاث ايام
ما كنت استهدي عبيتك وين
يا عصفورة النهرين


سلمت يداااك اخ احساااااان مشكوووووووووووور

الاخ الغالي خلدون شكرا لك على اهتمامك وتشجيعك المتواصل.
كلماتك اضافت بريقا ونظارة لمشاركاتي وخاصتا من معطاء كبير مثلك.
تشرفت بمرورك الكريم حياك اللة :gfd: :jgd:

نادو الرائعة بصمتك جميلة وافرحتني مرورك زادني سرور
شكرا لكي.
ودائما ردودك عذبة صادقة :YRE:

الغالي ابو عاهد

دائما مبدع ومتالق واليك اهدي بعض اغاني سفيرتنا الى النجوم

السيده ام زياد فيروز الرائعه :

لاعب الريشة - سعيد عقل

لاعب الريشة و هو و أضفر العمر ورود
و هو لي من ليس يهوى لم يزر هذا الوجود
لك هذا الريح عود و الغمامات وتر
دع تبددك الجرود و يجمعك القمر
بي بشعري بالغدائر بالحلى حول يديك
طر و خلي المجد طائر كسر الغار عليه
أنا حبي سيف ظافر حمل الدنيا إليه
سلب البحر الجزائر قال شكيها عقود

لا يدوم إغترابي - الأخوين رحباني

لا يدوم إغترابي لا غناء لنا يدوم
فأنهض في غيابي و إتبعيني إلى الكروم
هيئي هالدنانة كرمنا بعد في ربى
يوم تبكي سمانا نشبع القلب و الشفاة
حبيبتي زنبقة صغيرة أما أنا فعوسج حزين
طويلا إنتظرتها طويلا جلست بين الليل و السنين
و عندما أدركني المساء حبيبتي جاءت إلى الضياع
ما بيننا منازل الشتاء يا أسفا للعمر كيف ضاع
ما أحيل رجوعي متعبا أتبع المساء
و الهواء في ضلوعي جن من فرحة اللقاء

عصفورة الشجن - الأخوين رحباني

أنا يا عصفورة الشجن مثل عينيك بلا وطن
بي كما بالطفل تسرقه أول الليل يد الوسن
و اغتراب بي و بي فرح كارتحال البحر بالسفن
أنا لا أرض و لا سكن أنا عيناك هما سكني
راجع من صوب أغنية يا زمانا ضاع في الزمن
صوتها يبكي فأحمله بين زهر الصمت و الوهن
من حدود الأمس يا حلما زارني طيرا على غصن
أي وهما أنت عشت به كنت في البال و لم تكن

مروج السندس - الأخوين رحباني

لنا مكان مغمس حيث المروج سندس
في مرتمى أشجاره يهيم صفو مشمس
جئناه و اللحن سكيب و الشذى مكدس
بوحنا فلا الورد حكى و لا شكانا النرجس
مكاننا المرفرف ظلال حب تورق
أغرودة الكنار في أسحاره تطوق
أطايب الحلم علي صيد هناك تقطف
زرناه روينا حلاياه و لا من يعرف
و حين راح البلبل على الندى يغتسل
أحسست أني في ذراعي لحنيين توسل
جوانح البلبل في الشمس أرتعاش مذهل
و نحن شوق متعب على الثرى يبتهل
هنا المكان السندس و كل أذن يؤنس
و للهوى حكاية عند الغدير تهمس
حكاية عطرية ظلالها لا تلمس
يعرفها المكان عنا فالخجول النرجس

شمس الأطفال - الأخوين رحباني

زوري زوري بيوتنا يا شمس الأطفال
و أضيئها بيوتنا يا شمس الأطفال
لهم حب الدنيا لهم لعب الدنيا
و هم فرح البال يا شمس الأطفال
يا يدها يا حرير هزي هزي السرير
فينام و يحلو لي و يغلو و إلى غده يطير
ركضوا ركضوا النهر
ضحكوا ضحك العمر
و أنتشرت أظلال يا شمس الأطفال
من قمر و سماء ملئوا البيت هناء
عتبات الدارة أعياد و الأيام صفاء
في الدرب الموصود في الأيام السود
رفقا بالأطفال يا شمس الأطفال


عم يلعبو الولاد - الأخوين رحباني

عم يلعبو الولاد عم يلعبو تحت السما الزرقا عم يلعبو
الولاد ملهيين باللعب الحلوين و بيركضوا ما بيتعبوا و عم يلعبوا
بيطيروا بهالسما طياير و بالساقية بيصفروا شخاتير
و بايديهن غمر وراق بيض و حمر و يلونوا هالعمر
الولاد من نهر الورد عم يشربوا و عم يلعبوا
و يا ولادنا اللي بتركضوا بالعيد و كل عيد بتبعدوا لبعيد
ياما بلياليكن نسهر نغطيكن نفزع نوعيكن
و لما بتوعوا من ايدينا بتهربوا تاتلعبوا

بدي خبركن - الأخوين رحباني

بدي خبركن قصة زغيرة زغيرة القصة و أنتوا زغار
منحكي و بتصير الليلة قصيرة بكرا انشالله تصيروا كبار
ليلة عيد فرح جديد و الأطفال أنوعدوا بالطفل السعيد
غنيات لعب و زينات و تتزين السجرة للميلاد السعيد
و كان في ولاد نسيت الأعياد نسيت تزورن بليلة الميلاد
بيتن بعيد و القرش بعيد و ما عندن تيزينوا سجرة الميلاد
صاروا يصلوا يركعوا يصلوا و يمكن صلاتن بكت الدنيي
و كان في برا عندن سجرة سجرة عمرا شي ميت سني
و في رف عصافير ملون حلو كتير و بدوا يبيض و ما بقى بكير
غط بهالسجرة صارت صفرا و حمرا و طلوا الولاد و تزينت السجرة
و فرحوا كتير بالزينة البتطير و صاروا يغنوا و يغنوا العصافير
ونزل العيد عيد معن العيد و من عابكرا سلموا و طاروا العصافير
خبرناكن قصة زغيرة زغيرة القصة و أنتوا زغار
حكينا و صارت الليلة قصيرة و بكرا انشالله تصيروا كبار


اومن - الأخوين رحباني

اومن أن خلف الحبات الوادعات تزهو جنات
اومن أن خلف الليل العاتي الأمواج يعلو سراج
اومن أن القلب الملقى في الأحزان يلقى الحنان ... كلي إيمان إيمان إيمان
اومن أن خلف الريح الهوجاء شفاه تتلو الصلاة
اومن أن في صمت الكون المقفل من يصغي لي
أني إذ ترنو عيناي للسماء تصفو الأضواء تعلو الألحان ... كلي إيمان إيمان إيمان

لمين الهدية - سعيد عقل

لمين الهديي اللي جبتا عشيي
فستان المطرز و بلوزة مخملي ... لمين لمين
لمين الحراير لا تقولي
بمغازل الخاطر مشغولي
و بخبي و بخبي و يتعبني حبي
غنيي بقلبي و الهوى بعينيي
بأحلى المواسم مزروعة
عالصباح الحالم عم توعى
و أسوارة و عقودي للحلى مرصودة
و شريطة معقودة عالغرة العسلية


إيام العيد - الأخوين رحباني

بهالعيد بدي قدم هديي لا دهب لا ورود جوريي
طالع عابالي ضم زهرة و قلب و قدمن للعيد عيديي
يا عيد يا طالل مع الألحان بالخير بزهور الهنا حليان
عالناس كل الناس وين ما كان تشرق سعادة و شمس مضويي
و بيوتنا اللي مشرعة للعيد فيها الألفة كل يوم تزيد
تنعاد و مواسم الخير تعيد عابلادنا بألف غنيي
يا ربي تزيد خيرك و تعيد
عالدنيي كلا إيام العيد
هلت بشاير ما جت حراير
و الطير الطاير غنى للعيد
وضويي و زيني بسحرا تغويني
بدو يلاقيني بيوم العيد
يا زنبق عالي بخصرو يلالي
و يموج قبالي و يرقص للعيد



أذكريني - الأخوين رحباني

أذكر الأيام يا حلو الهوي في حلايا الغاب عند الجدول
حين كنا و الهوى حلو الغوى نتشاكى في حنين القبل
ضمنا الليل على بوح طوى كل ما في قلبنا من غزل
فأنا إن أشتكي غر النوى لا تلمني يا حبيبي أنتهي
أذكريني كلما الفجر بدا و أذكري الأيام ليل السهر
أذكريني كلما الطير شدا و حكى للغاب ضوء القمر
أذكريني و أذكر عهد الهنا أترى عشت إذا لم تذكري
نحن جمعنا من الليل الغنا و حكايات الجمال المزهر
يا حبيبي هرب الليل بنا و مشيناها دروب الحلم
فلهونا عند واحات الهنا و جلسنا في ظلال النغم
يا صفا دنيا من الورد لنا و عشيات خفاف النسم
نتهادى نتهادى و الغنى طائر في كل روض يغتني

الغالي ابو اياد دائما تغمرني بجمال ردودك الرائعة
ومرورك يسعدني ويهمني.
والف شكر على ما اضفتة من روعة للرائعة فيروز .
يا ربي تزيد خيرك و تعيد
عالدنيي كلا إيام العيد
دمت اخي وشكرا لك :gfd: :jgd: :JKKK:

الله رووووعة اخ فؤاااد

جميل ما نقلته

اختي نادو اهلا بك من جديد في صفحتي.
انا والاخ ابو اياد واحد.
انتي الرائعة ومرورك واهتمامك يفرحنا.
تشرفت بمرورك الكريم :gfd: :jgd:

يا حلو ياللي قميص النوم شكا منك

طالب وصالك بس أنا خجلان منك

لان جدتن علينا والجودة والكرم منك

مجدتش علينا لينا رب نشكيلو

يوم القيامة نخلص حقنا منك

:flower:


يا قلبي فضك من العكر واشرب من اللي راق

هو العكر بتشرب ؟ واللا العكر بنذاق ؟

يا ما كتبنا محبة وياما رمينا وراق

وهذي المحبة طلعت ع العزيز فراق

:flower:



أني ايش سويت يا وعدي يا مكتوبي

متين محبوب للي يسلّك دروبي

والليل كما الغول كل الناس تخاف منو

قتيل المحبة لم يخاف منو

والله ما ني بالهم مهموم ولا بالسر بايح

وأضحك لو كنت مهموم والقلب كلو جرايح
:flower:


سريت بليل وأهلي لم درو بي

قطعت دروب وأكثرها دروبي

لو بدري منايا الموت قاعد الي ع الدروب

كان ودعناك يا عز الأحباب
:affraid:

أبوعاهد يا عز النزول

وكل من قاصدك همو يزول

ع باب الحوش لابركلك ذلولي

يابو كفٍّ ضاري ع السخا

:flower:
بالعيون ياما والله بالعيون

ذهب يلطم سوالفها والعيون

وأنا خايف عليكي من الحسد والعيون

تسجد تحت الحسد والتراب

:gfd: هذه بعض المواويل الفلسطينيه علها تعجبكم .

صبرنا وقلنا الصبر طيب

وفارقنا الولف بغير طيب

يا ريت اللي سعي بفراقهم ما يظل طيب

يموت وياكلو دود التراب

اللةعليك يا غالي اخي ابو اياد دائما تبهرنا بجمال ما تنتقية من روائع.
جميلة جدا هذة المواويل ادامك اللة.
وهذة هدية مني للجميع.


من جبينك الوضّاح محسود القمر
مخجول مالو عين فيك يطل
قالو صباح الفل بهجة للنظر
أحلى صباحك من صباح الفل
منبع الاصالة وديع الصافي

قالوا البنفسج ريحتو حلوة كثير
من البنفسج ريحتك أحلا
وين عندو مثل ما عندك عبير
غيرك عبير الحب ما استحلا


قالو النغم بالناي بيبكّي الحجر
من الناي مرة ما بكي قلبي
نغمات صوتك ما حلم فيها وتر
كلها حنين و شوق و محبة


قالو غني البيكون عندو قصور
لا يا حلوة المال مش ثروة
انتي الغنية بالمحبة و بالشعور
بالحنين و بروحك الحلوة



بدنية وردكن زارع يميني
و عدرب دراج ضيعتو يميني
بدنية وردكن زارع يميني
و عدرب دراج ضيعتو يميني
عليكن بالهوى لاحلف يميني
ما احكي غيركن بعد الغياب